دوره تصنيع برنتر ثلاثي الابعاد (3d printer)

دوره تصنيع برنتر ثلاثي الابعاد

السلام عليكم ورحمة الله وبركاته

من فضل الله نعلن عن بداء حجز الدوره الخامسه لتعليم تصنيع برنتر ثلاثي الابعاد (3d printer )

طبعا في ناس كتير معانا مش عارف يعني ايه البرنتر الثلاثي الابعاد و ايه فايدتها و ايه الاستفاده منها
البرنتر ده عباره عن ماكينه بتاخد نوع بلاستك معين تعمله عمليه تسخين و تحوله لسائل و تقوم برسم طبقات فوق بعضها بانتظام و ينتج في الاخر شكل مجسم ثلاثي الابعاد و التكنولوجيا ده موجوده في دول الغرب من سنين كتير ولكن للاسف اننا التكنولوجيا بتوصل عندنا متاخره حبيتن بس الحمد لله انها وصلت لينا حاليا شوف الفديو ده في شرح لنظريه الطباعه و ممكن تعمل بيها ايه

وهنا احب اقولك اول حاجه علشان تقدر تفهم اكتر عن الموضوع ادخل علي الموقع ده 

https://www.thingiverse.com
و هتلاقي فوق علي اليمين مكان للبحث اكتب فيه اي حاجه تختر في بالك و اتفرج واستمتع و ارجعلي بسرعه (البحث بالانجليزي ولكن عم جوجل يقدر يفيدك في الترجمة)
اي حاجه في الموقع ده تقدر تطبعها بالماكنه الي هنصنعها في الدوره

ها رجعت….. حمد لله علي سلامتك
لو الموضوع قصر فيك و شوفت الموضوع مفيد كمل معنا بقي باقي الموضوع

اي حاجه شفتها في الموقع الي فوق ده عباره عن مجسم ثلاثي الأبعاد قام احد المصممين في الخارج بتصميم ووضعه علي هذا الموقع متاح مجانا للجميع

احنا بقي هنعمل ايه في الورشه بتاعتنا ده
هنتعلم مع بعض ازاي نصنع برنتر صغيره مقاس 20 في 20 سم و هيكون تصميم الماكينه اعتمادي علشان يكون سهل علي الجميع تنفذا و ده هتبقي بدايه المشوار لان بسهوله بعد لما تقدر تصنع البرنتر ده هتقدر ببيها تصنع مقاسات اكبير بكتير و ممكن تبحث في الموقع الي فوق بكلمة 3d printer و تشوف الابداع

الورشه يا هندسه هتبقي عباره عن 4 ايام عمل و تقريبا هتبقي جمعه و سبت من كل اسبوع او اي يوم في الاسبوع الساعه 7 مساء و كل يوم منهم حوالي 3 او 4 ساعات
اول يوم هنشوف فيه البرنتر مع بعض ( ماكينه جاهزه للعمل) و هنشرح نظريه التشغيل و اسماء القطع و شرح كل قطعه و فائده و طريقه تشغلها
و بعدها هنقوم مع بعض بتجميع برنتر من الصفر بدايه من الفريم الخشب مرورا بالميكانيكا و تجميع الاجزاء المتحركة و هنقف علي كده اول يوم عمل

ثاني يوم باذا الله هنقوم بتجميع الأجزاء الكهرباء و تنزيل السوفت وير علي البرنتر و شرح السوفت وير علشان لو هتصنع ماكينه موديل اخر تبقي عارف التعديلات الي هتعملها

ثالث يوم شرح برنامج التشغيل الخاص بالطباعه
ثم نتوكل علي الله و ننفذا اول عمليه طباعه و نشوف مع بعض الاختراع الي اشتغلنا عليه و هو بيطلع انتاج و احساس مبيتوصفش و نناقش مع بعض طرق الطباعه و تحسين الطباعه

رابع يوم هيكون تطوير البرنتر و هندرس حلول المشاكل الي ممكن تقابلنا و احنا بنصنع او المشاكل الي تقابلنا في التشغيل بعد تصنيع البرنتر

الورشه هتقام في مركز قريب من الشارع الجديد في شبرا الخيمة و قريب من مترو الإنفاق و نزله الدائري

جميع المكونات الي هنشتغل بيها احنا هنوفرها يعني حضرتك هتشرفنا بي فلاشه علشان تاخد البرامج و الصور و الاوارق الي هنشتغل بيها
و هتجيب ورقه و قلم لو بتحب تكتب او ترسم الي هنقوله

لو حبيت تنفذا برنتر لنفسك مكونات البرنتر حوالي 4000 جنيه
و عليا الدعم الفني بالكامل لغايه متوصل لتشغيل الماكنه لوحدك

الورشه هتكون مقابل 400 جنيه فقط للفرد و ده مش ليا لان انا عملت الفكره لنشر العلم و لكن المبلغ ده مقابل ايجار المركز و العدد و الدعايه الي هتحصل علشان نوصل لاكبر عدد علشان نستفاد كلنا

و ممكن تشتري برنتر من الي اتصنع في الدوره بسعر المكونات فقط 4000 جنيه 

الموضوع مفهوش مكسب مالي كبيررر ولكن الهدف اولا و اخيرا اننا ندخل مجال جديد و ده هيفتحلنا ابواب كتير اوووي و كل واحد و خياله في التنفيذ

لو حضرتك مهتم ارجو تعبئه الجدول الي في الرابط التالي ببياناتك علشان نقدر نتواصل معاك

رزقنا و إياكم صالح الأعمال و نتقابل دائما في الخير

*للتواصل هاتفيا او واتس اب 01022337477*

 

One thought on “دوره تصنيع برنتر ثلاثي الابعاد (3d printer)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses cookies to offer you a better browsing experience. By browsing this website, you agree to our use of cookies.